ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: Ադրբեջանի Գարադաղի շրջանում մարտի 1-ին ցեխային հրաբխի ժայթքում է տեղի ունեցել: 

Այս մասին, ինչպես հաղորդում է «Արմենպրես»-ը, հայտնում է ադրբեջանական minval.az-ը: 

Ադրբեջանի էկոլոգիայի և բնական պաշարների նախարարության փոխանցմամբ` մասնագետներն ուսումնասիրում են հրաբխի պատճառներն ու հետևանքները, ինչպես նաև իրականացնում են համապատասխան դիտարկումներ: 

Սա  այս տարվա ընթացքում  ցեխային հրաբխի ժայթքման երկրորդ դեպքն է:

Հունվարի 16-ին Ադրբեջանի Շամախի շրջանի Գուշչու գյուղի շրջակայքում տեղի էր ունեցել ցեխային հրաբխի ժայթքում: Ժայթքման ժամանակ ցեխային լավան բարձրացել է մինչև 10 մետր և թափվել 1,5 հա տարածության վրա: