ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Աթլետիկայի Հայաստանի հավաքականի անդամ , 31-րդ ամառային Օլիմպիական խաղերի մասնակից Լևոն Աղասյանը ոսկե մեդալ է նվաճել Բալկանյան երկրների առաջնությունում:

«Արմենպրես»-ի հաղորդմամբ` թուրքական Ստամբուլ քաղաքում կայացած Բալկանյան երկրների առաջնությունում եռացատկի մրցաշարում Աղասյանը գրանցելով 16.35 մետր արդյունք դարձել է մրցաշարի հաղթող: Երկրոդ և երրորդ տեղերում Բուլղարիան ներկայացնող մարզիկներն են եղել: 

Բալկանյան երկրների առաջնությանը Հայաստանը ներկայացնում էր 11 մարզիկ: