ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը փետրվարի 18-ին, ժամը 04:06-ին տեղեկություն է ստացել, որ Արագածոտնի մարզի «Տառերի պուրակ» կոչվող տարածքից դեպի Ամբերդ տանող ճանապարհին ավտոմեքենաներն արգելափակվել են ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Mitsubishi Pajero» մակնիշի 48 VD 888 և «ՈւԱԶ» մակնիշի 60 VV 808 պետհամարանիշերով ավտոմեքենաներն արգելափակվել են Արտաշավան-Ամբերդ ավտոճանապարհի 14-րդ կմ-ին (8 ուղևոր):

Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, փրկարարներն ավտոմեքենաները դուրս են բերել արգելափակումից: