ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն փետրվարի 13-ին հայտարարել Է, որ Հավաքական անվտանգության պայմանագրի կազմակերպության անդամ երկրներին անհրաժեշտ Է բանակների արդիականացման համատեղ աշխատանք կատարել, տեղեկացնում Է «Արմենպրես»-ը:

«Եթե խոսենք ընդհանուր առմամբ, մենք ՀԱՊԿ-ում շատ լրջորեն թերագնահատում ենք այն իրադրության վտանգը, որն ստեղծվում Է: Ռուսաստանը ինքն իր համար արդիականացնում Է զինված ուժերը: Մենք մյուս անդամների հետ միասին փորձում ենք զինվել, արդիականանալ եւ այլն:

Յուրաքանչյուրն ինքնուրույն»,-հայտարարել Է Լուկաշենկոն երկրի Անվտանգության խորհրդի նիստի ժամանակ: Նախագահի խոսքը մեջբերել Է նրա մամուլի ծառայությունը: Դրա հետ մեկտեղ, Բելառուսի նախագահի կարծիքով, Ռուսաստանը կարող Է կարեւոր դեր խաղալ ՀԱՊԿ-ի երկրների զինված ուժերի արդիականացման գործընթացում, հաղորդել Է ՌԻԱ Նովոստին: