Թուրքիայում PKK հարձակման հետևանքով թուրք զինվոր է սպանվել
19:10, 9 Փետրվար, 2018ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Թուրքիայի Հաքքարի նահանգի Չուքուրջա շրջանում Թուրքական ԶՈւ և Քրդստանի աշխատավորական կուսակցության (PKK) զինյալների միջև տեղի ունեցած բախման հետևանքով թուրք զինվոր է սպանվել:
Այս մասին, ինչպես հաղորդում է «Արմենպրես»-ը, հայտնում է թուրքական Diken պարբերականը:
Բախումը տեղի է ունցել թուրք-իրաքյան սահմանին մոտ գտնվող Զեր Թեփե տեղանքում:
Քրդստանի աշխատավորական կուսակցության (PKK) զինյալները Թուրքիայի Հաքքարի նահանգում փետրվարի 1-ին թուրքական ԶՈւ-ի վրա երկու հարձակում են իրականացրել:
PKK զինյալները հարձակվել էին Հաքքարիի Շեմբդինլի շրջանում տեղակայված թուրքական զինված ուժերի միավորումների վրա, ինչի հետևանքով թուքական կողմից 2 զինվոր սպանվել է, 2-ը` վիրավորվել:
Առաջին հարձակումը կատարվել էր Թուրքիայի Հաքքարի նահանգի Չուքուրջա շրջանում, ինչի հետևանքով 1 թուրք զինվոր սպանվել էր, 5-ը` վիրավորվել:
Թուրքական իշխանությունների կողմից քրդական խնդիրը կարգավորելու գործընթացից հրաժարվելուց հետո Քրդստանի բանվորական կուսակցությունը (PKK) հայտարարել էր, որ զինված ազատագրական պայքարը լեռներից տեղափոխելու է բնակավայրեր:
© 2009 ARMENPRESS.am