ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Apple կորպորացիան App Store հավելվածների խանութից Telegram մեսենջերը հեռացրել Է անընդունելի կոնտենտի պատճառով: Այդ մասին, ինչպես տեղեկացնում Է «Արմենպրես»-ը, Twitter-ի իր Էջում հայտնել Է Telegram-ի հիմնադիր Պավել Դուրովը:

«Մենք Apple-ի կողմից տեղեկացվել Էինք, որ անընդունելի կոնտենտը մատչելի Էր մեր օգտատերերին եւ երկու հավելվածներն Էլ հեռացվել են App Store-ից,- գրել Է Դուրովը:- Հենց որ մենք (կոնտենտի) զտիչներ տեղակայենք, ակնկալում ենք, որ հավելվածները կվերադառնան App Store»:

Այն մասին, որ Telegram մեսենջերը դադարել Է մատչելի լինել App Store ինտերնետ-խանութի օգտատերերի համար, հայտնի Է դարձել փետրվարի 1-ի առավոտյան: Apple-ը պաշտոնապես չի հայտնել հավելվածի հեռացման պատճառների մասին, հաղորդել Է ՏԱՍՍ-ը: