ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Facebook սոցիալական ցանցն օգտատերերին ցուցադրելու համար առաջնահերթությունը կտա տեղական նորություններին: Հունվարի 29-ին այս մասին իր Էջում հայտնել Է սոցցանցի հիմնադիր Մարկ Ցուկերբերգը, տեղեկացնում Է «Արմենպրես»-ը:

«Այսօր մեր նոր նորացումը տեղական աղբյուրներից նորությունների առաջմղումն Է: Մարդիկ մեզ մշտապես ասում են, որ ցանկանում են ավելի շատ տեղական նորություններ տեսնել Facebook-ում: Տեղական նորությունները մեզ օգնում են հասկանալու այն խնդիրները, որոնք կարեւորություն ունեն մեր հանրակցություններում եւ ազդում են մեր կյանքի վրա»,- նշել Է Ցուկերբերգը:

Նա նաեւ հավելել Է, որ այդ փոփոխությունները նախ ուժի մեջ կմտնեն սոցցանցի ամերիկյան սեգմենտում, հաղորդել Է ՏԱՍՍ-ը: