Մահացել Է The Fall-ի վոկալիստ Մարկ Սմիթը
12:04, 25 Հունվար, 2018ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: 60 տարեկան հասակում մահացել Է բրիտանացի երաժիշտ, երգերի հեղինակ եւ The Fall փոսթ-փանք խմբի վոկալիստ Մարկ Էդվարդ Սմիթը: Հունվարի 24-ին այս մասին հայտնել Է Press Association գործակալությունը՝ վկայակոչելով խմբի ղեկավարին, տեղեկացնում Է «Արմենպրես»-ը:
«Մենք խորին ցավով հայտնում ենք կյանքից Մարկ Էդվարդ Սմիթի հեռանալու մասին: Նա մահացավ այս առավոտյան (հունվարի 24-ին) տանը»,- ասված Է հաղորդագրության մեջ:
The Fall-ը հիմնվել Է 1976 թվականին Մանչեսթրում եւ զգալի ազդեցություն Է գործել այլընտրական ռոքի զարգացման վրա: Անցյալ տարի կոլեկտիվը հարկադրված Էր չեղյալ հայտարարել մի շարք համերգներ վոկալիստի առողջական վիճակի պատճառով:
Խումբը գոյության ամբողջ ընթացքում թողարկել Է 32 ստուդիական ալբոմ: Վերջինը՝ New Facts Emerge-ը թողարկվել Է 2017 թվականի աշնանը եւ 35-րդ տեղն Է զբաղեցրել բրիտանական երաժշտական վարկանիշերում, հաղորդել Է ՏԱՍՍ-ը: