Թիլերսոնը նշել Է Սիրիայում ԱՄՆ-ի գլխավոր նպատակները
09:57, 18 Հունվար, 2018Կալիֆոռնիայում ելույթ ունենալով Սթենֆորդի համալսարանում, պետքարտուղարը հայտնել Է այն հինգ նպատակները, որոնց ԱՄՆ- ցանկանում Է հասնել Սիրիայում՝ ԴԱԻՇ-ի լիակատար պարտությունը, հակամարտության լուծումը Ժնեւի գործընթացի շրջանակներում ՄԱԿ-ի հովանու ներքո, Իրանի ազդեցության նվազեցումը, փախստականների կամավոր վերադարձի համար պայմաանների ստեղծումը եւ երկիրը զանգվածային բնաջնջման զենքից ազատելը:
«Թրամփի վարչակազմը նոր ռազմավարություն Է իրագործում այդ նպատակներին հասնելու համար: Այն միտված Է դիվանագիտական գործողությունների զգալի ընդլայնմանը շարունակվող ռազմական հաջողությունների կապակցությամբ»,- հայտարարել Է նա:
Պետքարտուղարը նշել Է, որ ԱՄՆ-ը կպահպանի ռազմական ներկայությունը Սիրիայում, որպեսզի ԴԱԻՇ-ը վերստին չհայտնվի: «ԱՄՆ-ի ազգային շահերի համար կարեւոր Է պահպանել ռազմական ու դիվանագիտական ներկայությունը Սիրիայում, որպեսզի օգնի ավարտել հակամարտությունը երկրում»,- ընդգծել Է նա, հաղորդել Է «Ինտերֆաքս»-ը:
© 2009 ARMENPRESS.am