ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Շվեյցարիայի Piaget մանուֆակտուրան Ժնեւի Ժամացուցային բարձր արվեստի միջազգային սալնում ներկայացրել Է ձեռքի լարքով աշխարհում ամենաբարակ ժամացույցը՝ Altiplano Ultimate Concept-ը:

Այդ մասին, ինչպես տեղեկացնում Է «Արմենպրես»-ը, Ժնեւից հաղորդել Է «Լենտա.ռու»-ն: Դրա հաստությունը կազմում Է 2 միլիմետր, ինչը հավասար Է 2 ֆրանկ արժողության մետաղադրամի հաստությանը կամ հռչակավոր տան հայտնի մշակման՝ 9P տրամաչափի մեխանիզմի հաստությանը, որի հիման վրա ավելի վաղ ստեղծվել են աշխարհում ամենաբարակ ժամացույցները: Նոր Altiplano Ultimate Concept-ները, որոնք մշակել Է Piaget տան գիտահետազոտական բաժինը, բարակության ռեկորդը գերազանցել են այն բանի շնորհիվ, որ դրանց կորպուսը թե՛ արտաքին բաղադրիչ Է եւ թե՛ մեխանիզմի հիմք: