Օզբիլիսը մոտ է «Բեշիկթաշ»-ից «Վիտես» տեղափոխվելուն
21:16, 11 Հունվար, 2018ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Հայաստանի հավաքականի կիսապաշտպան Արաս Օզբիլիսը մոտ է թուրքական «Բեշիկթաշ»-ից հոլանդական «Վիտես» տեղափոխվելուն: «Արմենպրես»-ի փոխանցմամբ, այդ մասին հաղորդում են թուրքական մի շարք լրատվամիջոցներ, այդ թվում՝ Sabah-ը:
Քննարկվում է 27-ամյա կիսապաշտպանին վարձակալությամբ հոլանդական ակումբին տրամադրելու հարցը:
Խնդիրն Օզբիլիսի բարձր աշխատավարձն է՝ տարեկան 1.4 միլիոն եվրո: Սակայն, ըստ աղբյուրի, «Բեշիկթաշ»-ը պատրաստ է վճարել Հայաստանի հավաքականի կիսապաշտպանի աշխատավարձի կեսը:
© 2009 ARMENPRESS.am