ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի բասկետբոլի կանոնավոր առաջնության 6-րդ տուրից հետո մրցաշարային աղյուսակում երկիշխանություն է:

«Արմենպրես»-ի հաղորդմամբ` կանոնավոր առաջնությունում կայացան 6-րդ տուրի խաղերը: Երևանի «Ուրարտու»-ն և Ստեփանակերտի «Արցախ»-ն ունեն 10-ական միավոր: «ՖԻՄԱ»-ն 8 միավորով երրորդ տեղում է: 7-ական միավոր են վաստակել «Արթիկ»-ը, «Շիրակ»-ը և «Գրանդ Սպորտ»-ը: Հետնապահը «Ինժեներ»-ն է 5 միավորով: