ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի մինչև 17 տարեկանների թիմը Եվրոպայի Մ17 տարեկանների առաջնության 13-րդ խմբում է:

«Արմենպրես»-ի հաղորդմամբ` ՈՒԵՖԱ-ի գրասենյակում կայացած վիճակահանությունում Հայաստանի պատանեկան թիմը ընդգրկվել է 13-րդ խմբում, որտեղ կմրցի Իտալիայի, Խորվաթիայի և Անդորայի թիմերի հետ:

Եվրոպայի Մ17 տարեկանների առաջնության որակավորման փուլը կկայանա 2018 թվականի հոկտեմբերի 27-ից նոյեմբերի 2-ը: