ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Հարավկորեացի գիտնականները հայտնաբերել են երկու խումբ սպիտակուցներ, որոնք արգելակում են մազերի աճը: Համապատասխան հետազոտությունը հրապարակված Է Journal of Investigative Dermatology հանդեսում, տեղեկացնում Է «Արմենպրես»-ը:

Կլինիկական դիտարկումների ընթացքում Յոնսեյի համալսարանի մասնագետները պարզել են, որ մազերը կորցնող մարդկանց հյուսվածքները չափից ավելի մեծ քանակությամբ են CXXC5 սպիտակուց պարունակում: DSH սպիտակուցի հետ միանալիս այն արգելակում Է մազերի գեղձաբշտիկների վերականգնումը:

Հետազոտողները մշակել են պատրաստուկ, որն արգելափակում Է երկու սպիտակուցների միացումը եւ խթանում նոր մազերի աճը: Կատարված փորձերը ցույց են տվել, որ զգալի բարելավումներ են նկատվել բուժումն սկսելուց արդեն 28 օր անց:

Նշվում Է, որ պատրաստուկը դեռեւս լրամշակման կարիք ունի, քանի որ առայժմ արդյունավետ չԷ գլխի մազերը լիովին կորցրած մարդկանց համար, հաղորդել Է ՌԻԱ Նովոստին: