«Լուսավոր Հայաստան»-ը Վանաձորի ավագանին լուծարելու և արտահերթ ընտրություններ նշանակելու հարցով դիմել է կառավարությանը

20:27, 20 Նոյեմբեր, 2017

ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: «Լուսավոր Հայաստան» կուսակցությունը դիմել կառավարությանը՝ Վանաձորի ավագանին լուծարելու և արտահերթ ընտրություններ նշանակելու հարցով: Ինչպես հաղորդում է «Արմենպրես»-ը, այս մասին Ֆեյսբուքի իր էջում գրառում է կատարել Ազգային ժողովի «Ելք» խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանը:

«Լինելով սահմանադրական իրավունքի մասնագետ և բազմաթիվ քննարկումներ ունենալով այլ սահմանադրագետների հետ՝ եկել ենք այն եզրահանգման, որ Սահմանադրական դատարանի նոյեմբերի 10-ի որոշումից միանշանակ բխում է, որ Վանաձորի ավագանու լիազորությունները պետք է դադարեցվեն և նշանակվեն արտահերթ ընտրություններ»,- գրել է Մարուքյանը:

«Լուսավոր Հայաստան» կուսակցությունն անհրաժեշտ հիմնավորումներով դիմում  է ուղարկել ՀՀ կառավարություն:


© 2009 ARMENPRESS.am