ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Եվրամիությունը պետք Է ապահովի «Արեւելյան գործընկերություն» ծրագրի մասնակից երկրների մուտքը հանրակցության ներքին շուկա՝ դրանով իսկ դրսեւորելով նրանց հետ տնտեսական ինտեգրացման ԵՄ-ի պատրաստակամությունը: Այդ մասին նոյեմբերի 14-ին հայտարարել Է Եվրոպայի ժողովրդական կուսակցության խմբակցության՝ Եվրախորհրդարանի առաջատար քաղաքական խմբի ղեկավար Մանֆրեդ Վեբերը, տեղեկացնում Է «Արմենպրես»-ը՝ հղում անելով ՌԻԱ Նովոստիին:

«Գործընկերության մեր պատրաստակամությունը ցուցադրելու առավել ծանրակշիռ միջոցը, որը մենք՝ եվրոպացիներս ունենք, այդ երկրներին ԵՄ-ի միասնական շուկա մուտք տրամադրելն Է, որովհետեւ տնտեսական չափումը առավել զոհեղ գործիքն Է, որն ունի Եվրոպան: Կարծում եմ՝ դա ճիշտ մոտեցում, Է, բայց մենք նաեւ պետք Է չափանիշներ որոշենք նրանց համար, ովքեր ցանկանում են միանալ ԵՄ-ի միասնական շուկային»,-ասել Է նա լրագրողներին Ստրասբուրգում: Մամուլի ասուլիսի հեռարձակումն իրականացրել Է ԵՄ-ի ինստիտուտների տեսածառայությունը: