ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը Կատալոնիայի խորհրդարանի կողմից Իսպանիայից անկախանալու բանաձևն ընդունելուց հետո  աջակցություն է հայտնել Իսպանիայի վարչապետ Մարիանո Ռախոյին: Ինչպես հաղորդում  է «Արմենպրես»-ը՝ վկայակոչելով France Press գործակալությունը, Ֆրանսիայի նախագահը լրագրողների հետ զրույցում նշել է, որ Իսպանիայում իրենց զրուցակիցը վարչապետ Ռախոյն է:

«Իսպանիան իրավական պետությունն է, որտեղ գործում են համապատասխան սահմանադրական իրավակարգեր: Մարիանո Ռախոյի կառավարությունը ձգտում է, որպեսզի դրանք պահպանվեն: Այդ հարցում նա կարող է հույս դնել իմ լիակատար աջակցության վրա»,- ասել է Մակրոնը: