Գեղարքունիքի մարզի Զոլաքար գյուղում 150 հակ անասնակեր է այրվել

20:21, 13 Սեպտեմբեր, 2017

ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը սեպտեմբերի 13-ին, ժամը 16։33-ին տեղեկություն է ստացել, որ Գեղարքունիքի մարզի Զոլաքար գյուղում այրվում է անասնակեր։

Դեպքի վայր է մեկնել մեկ մարտական հաշվարկ:

Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ գյուղի 11-րդ փողոցի 5-րդ փակուղու տներից մեկի բակում այրվում է պահեստավորված անասնակեր (մոտ 150 հակ):

Հրդեհը մեկուսացվել է ժամը 16։50-ին, մարվել՝ 17։50-ին։


© 2009 ARMENPRESS.am