ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ: Ոստիկանության ծառայողները, իրացնելով ստացված օպերատիվ տվյալները, սեպտեմբերի 8-ին՝ ժամը 10.20-ին, Արգել գյուղի 1-ին փողոցից բերման են ենթարկել 1984 թ. ծնված Դավիթ Գ.-ին, որը սեպտեմբերի 7-ից հետախուզվում էր ՀՀ քրեական օրենսգրքի 34-177 հոդվածի 2-րդ մասի 1-ին կետի (Գողության փորձ) մեղադրանքով պատժի կրումից խուսափելու համար: Այս մասին «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից: