Անտոնիո Տայանին առաջարկել Է միջոցներ հատկացնել Լիբիային միգրացիոն հարցը լուծելու համար
15:39, 28 Օգոստոս, 2017«Եվրոպան Թուրքիային 6 մլրդ եվրո Է հատկացրել բալկանյան երթուղին փակելու համար: Արդ ուրեմն, եկել Է Լիբիայի հետ նույն բանն անելու ժամանակը. եկեք միանգամից 6 մլրդ եվրո տանք Լիբիային, իսկ հետո ներդրումներ անենք Աֆրիկայի համալիր ռազմավարության մեջ»,- հայտարարել Է ԵԽ-ի նախագահը հարցազրույցում, որն օգոստոսի 28-ն հրապարակել Է Հռոմում հրատարակվող la Repubblica թերթը: Տայանիի խոսքով՝ Եվրամիության կողմից այդ միջոցների հատկացումը կնպաստեր համաձայնության ձեռքբերմանը ուժի տարբեր կենտրոնների միջեւ, որոնք այսօր գոյություն ունեն Լիբիայում:
«Գեներալ (Խալիֆա) Խաֆթարը կարող Էր դառնալ Լիբիայի զինված ուժերի ղեկավարը, իսկ վարչապետ (Ֆայեզ) Սարաջը կարող Էր պահպանել քաղաքական առաջատարի դիրքը: Բայց գործընթացում նաեւ կներքաշվեին բոլոր ցեղերը, առանձնապես նրանք, որոնք բնակվում են երկրի հարավում»,- այդ կապակցությամբ նշել Է նա, հաղորդել Է ՌԻԱ Նովոստին:
© 2009 ARMENPRESS.am