Հրշեջները մարել են Սևան քաղաքում բռնկված հրդեհը
21:46, 23 Օգոստոս, 2017ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունն օգոստոսի 23-ին, ժամը 18:34-ին ահազանգ է ստացել, որ Գեղարքունիքի մարզի Սևան քաղաքի Գոմաձոր թաղամասում այրվում է առանձնատուն:
Դեպքի վայր է մեկնել երկու մարտական հաշվարկ:
Պարզվել է, որ հրդեհը բռնկվել է Գոմաձոր թաղամասի Պարույր Սևակ փողոցի թիվ 4 հասցեում գտնվող Հ. Ա.-ին պատկանող առանձնատան 2-րդ հարկում:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, հրդեհը մեկուսացվել է ժամը 19:05-ին, մարվել՝ 19:20-ին:
Այրվել է հյուրասենյակի փայտյա հատակը (մոտ 10 քմ), ծխացել՝ հյուրասենյակի բազմոցը և մահճակալը:
© 2009 ARMENPRESS.am