ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Բարսելոնայում եւ Կամբրիլսում ահաբեկչական գործողությունների կատարողները 12 մարդուց բաղկացած ահաբեկչական խմբի անդամներ Էին: Այդ մասին, ինչպես տեղեկացնում Է «Արմենպրես»-ը, օգոստոսի 18-ին հայտնել Է El Pais թերթը՝ հղում անելով անվտանգության ծառայությունների աղբյուրների:

Ինչպես նշում Է հրատարակությունը, նրանցից հինգը ոչնչացվել են Կամբրիլսում ահաբեկչության փորձ կատարելիս, երեքը ներկայում ձերբակալված են, եւս չորսն ազատության մեջ են, հաղորդել Է ՏԱՍՍ-ը: