ՔԿՀ-ների բուժհաստատություններ կներգրավվեն փորձառու բժիշկներ
12:59, 20 Հուլիս, 2017ԵՐԵՎԱՆ, 20 ՀՈՒԼԻՍԻ, ԱՐՄԵՆՊՐԵՍ: Հայաստանի քրեակատարողական հիմնարկների բուժհաստատություններում ապահովվում է ավելի փորձառու բժիշկների ներգրավման հնարավորությունը։ «Արմենպրես»-ի հաղորդմամբ, կառավարությունը հավանություն տվեց ՀՀ քրեակատարողական օրենսգրքում համապատասխան փոփոխությունների նախագծին, որը ներկայացրել էր ՀՀ արդարադատության նախարարությունը։
Նախագծի հիմնավորման համաձայն, մասնավորապես, առաջարկվում է չեղարկել ՔԿՀ-ների բուժհաստատություններում աշխատող անձանց տարիքային սահմանափակումը՝ հաշվի է առնելով, որ բժիշկներն ավելի են կատարելագործվում հասակ առնելուն զուգընթաց։