Երևանի կոնսերվատորիայի 234 շրջանավարտից 109-ը գերազանցության դիպլոմ է ստացել

20:55, 17 Հուլիս, 2017

ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Երևանի Կոմիտասի անվան պետական կոնսերվատորիայում տեղի է ունեցել 2016-17 ուսումնական տարվին գերազանցությամբ ավարտած բակալավր և մագիստրոս շրջանավարտների դիպլոմների հանդիսավոր հանձնումը:

Ինչպես «Արմենպրես»-ին տեղեկացրին կոնսերվատորիայից, հանդիսավոր արարողությունը սկսվել է Տավուշի թեմի առաջնորդ Բագրատ Սրբազանի օրհնությամբ: Սրբազանը շնորհավորել և նոր նվաճումներ է մաղթել Կոմիտասի անվան կոնսերվատորիայի շրջանավարտներին: Բուհն այս տարի ունի 234 շրջանավարտ, որից 109-ը գերազանցության դիպլոմ է ստացել՝ 72-ը բակալավրիատի, 37-ը մաքիստրատուրայի:

ԵՊԿ-ն այս տարի 133 դիմորդ է ունեցել, որից 9-ը ԼՂՀ-ից են եղել: Բուհ են ընդունվել 125-ը, որոնցից 62-ը՝ պետպատվերի շրջանակում:


© 2009 ARMENPRESS.am