Թրամփը հայտարարել Է, որ հինգ ամսում շատ ավելին Է արել, քան այդ ժամկետում ԱՄՆ-ի ցանկացած նախագահ
11:00, 13 Հուլիս, 2017ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Դոնալդ Թրամփը կարծում Է, որ ԱՄՆ-ի նախագահի պաշտոնն ստանձնելու պահից ի վեր հիգ ամսից փոքր-ինչ ավելի ժամանամիջոցում ինքը կարողացել Է անել շատ ավելին, քան երկրի պատմության մեջ նույն ժամկետում հաջողվել Է հասնել Միացյալ Նահանգների ցանկացած ղեկավարի: Ինչպես տեղեկացնում Է «Արմենպրես»-ը, ԱՄՆ-ի ղեկավարն այս կարծիքը հայտնել Է Reuters գործակալության՝ հուլիսի 12-ին հրապարկված հարցազրույցում:
«Մենք հինգ ամսում հասանք շատ ավելի բանի, քան գործնականում (ԱՄՆ-ի) պատմության մեջ ցանկացած նախագահ»,- ասել Է նա՝ նշելով, որ այս առանչությամբ այժմ «Սպիտակ տանը տրամադրությունը ֆանտաստիկ Է»: «Եթե դուք նայեք Իրաքին, Սիրիային եւ տեսնեք այն առաջընթացը, որին մենք հասանք ԻՊ-ի դեմ (պայքարում), ապա այնտեղ գործնականում լիակատար (հաջողություն) Է»,- հայտարարել Է ԱՄՆ-ի ղեկավարը:
Իր ծառայությունների թվում Թրամփը նաեւ նշել Է ցուցանիշների աճը Միացյալ Նահանգների ֆոնդային սակարաններում եւ ԱՄՆ-ում զբաղվածության եւ աշխատատեղերի վերաբերյալ, իր խոսքով, լավագույն տվյալները վերջին 16 տարում, հաղորդել Է ՏԱՍՍ-ը: