ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ։ Սլովակիան ներկայացնող «Սլովան»-ի ավագ Բորիս Սեկուլիչ «Փյունիկ»-ը նմանեցնում է իր ակումբին։ «Գիտենք, որ «Փյունիկը» երիտասարդ ֆուտբոլիստներ ունի: Այս թիմը նման է «Սլովանին». նրանք էլ են սիրում հարձակվողական ֆուտբոլ խաղալ, կարճ փոխանցումներ անել: Վաղվա խաղից ակնկալիքները մեծ են, ագրեսիվ ֆուտբոլ ենք ակնկալում նաև «Փյունիկից»: Հայկական ֆուտբոլին այնքան էլ ծանոթ չեմ, միայն հավաքականի մի քանի ֆուտոբլիստի գիտեմ»,-«Արմենպրես»-ի հաղորդմամբ՝ նախախաղային մամուլի ասուլիսի ժամանակ ասաց Սեկուլիչը։

Եվրոպայի լիգայի որակավորման առաջին փուլում Երևանի «Փյունիկ»-ը մրցելու է «Սլովան»-ի դեմ։ Հանդիպումը կկայանա Հանրապետական մարզադաշտում 19։00-ին։