Հայաստանի թիմը կմասնակցի Մոսկվայի Հրավառության միջազգային փառատոնին
11:07, 19 Հունիս, 2017ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Օգոստոսի 19-ին եւ 20-ին Մոսկվայում տեղի կունենա Հրավառության երրորդ միջազգային փառատոնը, որին կմասնակցեն ութ երկրների, այդ թվում՝ Հայաստանի թիմերը: Այդ մասին, ինչպես տեղեկացնում Է «Արմենպրես»-ը, հաղորդվում Է ՌԴ մայրաքաղաքի քաղաքապետարանի կայքում: «Ութ երկրների թիմեր երկինք կարձակեն շուրջ 60 հազար համազարկ՝ 10 հազարով ավելի, քան անցյալ տարի: Մրցութային ծրագրի անցկացման համար կօգտագործվի շուրջ 27 տոննա հրատեխնիկա: Հրավառությունների բարձրությունը կհասնի 200 մետրի»,- ասված Է հաղորդագրության մեջ:
Փառատոնը տեղի կունենա Բրատեեւսկի զբոսայգում, հրավառությունը կանցկացվի ժամը 21.00-ից մինչեւ 22.45-ը: Մրցումներին կմասնակցեն թիմեր Ռուսաստանից, Ավստրիայից, Հայաստանից, Բրազիլիայից, Չինաստանից, Ռումինիայից, Խորվաթիայից եւ Ճապոնիայից: Մրցույթի արդյունքներով ժյուրին կընտրի երեք առաջատարներին, որոնք կստանան բրոնզե, արծաթե եւ ոսկե գավաթներ, հաղորդել Է ՌԻԱ Նովոստին: