Էստոնիայի ԱԳ նախարարը Ծիծեռնակաբերդում հարգեց Հայոց ցեղասպանության զոհերի հիշատակը
10:16, 13 Հունիս, 2017ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Էստոնիայի արտաքին գործերի նախագահ Սվեն Միկսերը` ՀՀ ԱԳ փոխնախարար Կարեն Նազարյանի ուղեկցությամբ հունիսի 13-ին այցելեց Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր:
«Արմենպրես»-ի հաղորդմամբ` Միկսերը ծաղկեպսակ դրեց հուշահամալիրում, նաև ծաղիկներ խոնարհեց անմար կրակի մոտ` հարգելով Հայոց ցեղասպանության զոհերի հիշատակը:
Հայոց ցեղասպանության թանգարան-ինստիտուտի տնօրեն Հայկ Դեմոյանը Էստոնիայի արտգործնախարարին ներկայացրեց Հայոց ցեղասպանության և հուշահամալիրի ստեղծման պատմությունը: