ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Համացանցում հրապարակվել են նոր iPhone-ների մանրակերտերի լուսանկարները: Slashleaks կայքում զետեղված լուսանկարներում պատկերված են iPhone 7s-ը, 7s Plus-ը եւ 8-ը, տեղեկացնում Է «Արմենպրես»-ը:

Նշվում Է, որ լուսանկարներն արված են Չինաստանում iPhone-ի համար կորպուսների արտադրության գործարանում: 

Դատելով ըստ նկարների՝ iPhone 7s-ը եւ 7s Plus-ը կստանան նույնպիսի կորպուս եւ Էկրան, ինչպես եւ Apple-ի սարքերի յոթերորդ մոդելը: iPhone 8-ն, իր հերթին, փոքր-ինչ մեծ Է սմարթֆոնի սովորական տարբերակից, բայց կստանա 5,8 դյույմանոց անշրջանակ OLED-Էկրան:  

Նոր iPhone-ները կներկայացվեն 2017 թվականի աշնանն Apple-ի ամենամյա շնորհանդեսին: Վերջին տեղեկատվության համաձայն՝ ընկերությունը կթողարկի միանգամից երեք սարք, որոնցից երկուսը կդառնան IPhone-ի ներկայիս մոդելների աննշան բարելավումը: