ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Ազգային ժողովի աշխատակազմի ղեկավար է նշանակվել Արա Սաղաթելյանը. նա զբաղեցնում էր ՀՀ նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրենի պաշտոնը: Ազգային ժողովում լրագրողների հետ զրույցում այս մասին հայտնեց ՀՀ ԱԺ ՀՀԿ խմբակցության պատգամավոր Հրայր Թովմասյանը: «Արա Սաղաթելյանն իմ վաղեմի ընկերն ու բարեկամն է: Վստահ եմ, որ նրա փորձն ու գիտելիքները բավարար են այդ պաշտոնում աշխատելու համար»,- «Արմենպրես»-ի հաղորդմամբ՝ ասաց Թովմասյանը:

Ազգային ժողովի աշխատակազմի ղեկավարի պաշտոնը զբաղեցնում էր Հրայր Թովմասյանը, ով ապրիլի 2-ին կայացած խորհրդարանական ընտրություններին ՀՀԿ համամասնական ցուցակով  ընտրվել է Ազգային ժողովի պատգամավոր: