ԵՊԲՀ գիտխորհրդում քննարկվել են բուհում կրթության հիմնահարցերը և դրանց լուծման ուղիները
20:57, 26 Ապրիլ, 2017ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Երևանի Մխիթար Հերացու անվան պետական բժշկական համալսարանի գիտական խորհրդի հերթական նիստը նվիրված էր բուհի կրթության հիմնահարցերին և լուծման ուղիներին:
Ինչպես «Արմենպրես»-ին տեղեկացրին ԵՊԲՀ-ից, զեկույցներով հանդես են եկել ուսումնական աշխատանքների գծով պրոռեկտոր Լարիսա Ավետիսյանը և հետբուհական և շարունակական կրթության գծով պրոռեկտոր Գառնիկ Ավետիսյանը:
Հանգամանալից անդրադարձ է կատարվել առկա խնդրիների լուծման ուղղությամբ իրականացվող և ծրագրվող աշխատանքներին:
Ուսանողների և պրոֆեսորադասախոսական կազմի կողմից բարձրացրած բազմաթիվ հարցերն ու առաջարկությունները վերաբերում էին բուհական և հետբուհական կրթության որակի բարելավմանը, ինչպես նաև ամբիոններում անհրաժեշտ աշխատանքային, կառուցվածքային և այլ փոփոխությունների իրականացմանը: