ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Նիոնում կայացել է Եվրոպայի լիգայի կիսաեզրափակիչ փուլի վիճակահանությունը: Ինչպես հաղորդում է «Արմենպրես»-ը, Եվրոպայի լիգայի կիսաեզրափակիչ փուլում անգլիական «Մանչեսթեր Յունայթեդ»-ը, որտեղ հանդես է գալիս Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանը, կմրցի իսպանական «Սելտա»-ի հետ:

Կիսաեզրափակչի մյուս զույգը կազմեցին ֆրանսիական «Լիոն»-ը և հոլանդական «Այաքս»-ը: Առաջին խաղերը կկայանան մայիսի 4-ին, իսկ պատասխան հանդիպումները` մայիսի 11-ին:

Եվրոպայի լիգայի եզրափակիչ հանդիպումը տեղի կունենա մայիսի 24-ին, Ստոկհոլմում: