ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Երևանում բացվելու են գերմանական 2 խոշոր միջազգային կազմակերպությունների ներկայացուցչություններ: ՀՀ կառավարությունը հավանություն տվեց Գերմանիայի Դաշնային Հանրապետության կառավարության հետ Գերմանական Միջազգային համագործակցության ընկերության (ԳՄՀԸ/GIZ) և Վերականգնման վարկերի բանկի (ՎՎԲ/KfW) տեղական գրասենյակների հիմնման վերաբերյալ համաձայնագրի ստորագրմանը:

«Արմենպրես»-ի հաղորդմամբ՝ տեղական գրասենյակների հիմնումը հնարավորություն կտա գրասենյակների գործունեությունն իրականացնել առավել թափանցիկ և համակարգված, ինչպես նաև գրասենյակների գործունեությանն առնչվող և աշխատակիցների հարկային պարտավորությունները կատարել առավել պատշաճ եղանակով: