«Ես չպետք Էի այդ մասին խոսեի, բայց նրա վարկանիշներն անցած շաբաթ երկինք են հասել: Ի՞նչ Էր դա… Նա պետք Է ինձ բացի իր գաղտնիքը»,- ասել Է Թրամփը ԱՄՆ-ի Պետդեպարտամենտի International Women of Courage Award պարգեւի հանձնման արարողության ժամանակ, որն ամեն տարի շնորհվում Է մարդու իրավունքների պաշտպանության, ինչպես նաեւ անարդարության, ռասայական ու գենդերային անհավասարության դեմ պայքարի համար: 

Այն ժամանակ, երբ Թրամփի գործունեության հավանության վարկանիշը շարունակում Է իջնել. ներկայում այն, ըստ Gallup-ի վերջին հարցման արդյունքների, 35 տոկոսի նշագծին Է, նրա կնոջ՝ Մելանյայի վարկանիշները սրընթաց աճում են: CNN/ORC-ի վերջին հարցման տվյալների համաձայն՝ ամերիկացիների 52 տոկոսը հավանություն Է տալիս առաջին տիկնոջը, հաղորդել Է ՌԻԱ Նովոստին: