ԵՐԵՎԱՆ, 17 ՄԱՐՏԻ, ԱՐՄԵՊՐԵՍ: «Օհանյան-Րաֆֆի-Օսկանյան» դաշինքն իր պատրաստականությունն է հայտնում ԱԺ ընտրվելուց հետո այլ ընդդիմադիր քաղաքական ուժերի հետ միասնաբար ձեւավորել կոալիցիոն իշխանություն: «Արմենպրես»-ի հաղորդմամբ` այս մասին հայտարարություն է տարածել «Օհանյան-Րաֆֆի-Օսկանյան» դաշինքը:

«Դաշինքը լիք է վճռականությամբ՝ նպաստելու Հայաստանում ազգային համաձայնության մթնոլորտի ձեւավորմանը, բոլոր առողջ ուժերի համախմբմանը ու միասնաբար ազատ, արդար, բարեկեցիկ, հզոր ու անվտանգ պետություն կառուցելու»,- ասվում է հայտարարությունում: