ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Chanel ֆրանսիական նորաձեւության տունը Gabrielle նոր բույրն Է թողարկելու ի պատիվ նորաձեւության տան հիմնադրի՝ մոդելագործ Գաբրիել Շանելի: Այդ մասին, ինչպես տեղեկացնում Է «Արմենպրես»-ը, հայտնել Է WWD-ն:

Ընկերության ներկայացուցիչները նշում են, որ դա լինելու Է պարֆյումերային ջուր՝ ծաղկային նրբաբույրերի գերակշռությամբ: «Մեր նպատակն Է՝ հայտնվել բեսթսելլերների տասնյակում»,-նշել Է Քրիստին Դագուսեն՝ Chanel-ի՝ կոսմետիկայի եւ պարֆյումերիայի գծով միջազգային տնօրենը: 

Նրբաբույրերը, որոնց վրա հիմնվելու Է պարֆյումերային ջուրը, առայժմ չեն նշվում, բայց հայտնի Է, որ դրանց վրա աշխատելու Է Chanel-ի պարֆյումեր Օլիվիե Պոլժը՝ մինչ այս պահը տան Les Exclusifs բույրերի շարքում Boy Chanel նորագույն պարֆյումի ստեղծողը: 

Gabrielle-ի թողարկումը սպասվում Է 2017 թվականի աշնանը: Գաբրիել Շանելի պատվին նորաձեւության տունը նաեւ ստեղծել Է նոր համանուն պայուսակ եւ պլանավորում Է թողարկել նշանավոր մոդելագործին նվիրված ժամացույցների եւ զարդերի նոր մոդելներ:

Chanel նորաձեության տունը Գաբրիել (Կոկո) Շանելի կողմից հիմնադրվել Է Ֆրանսիայում 1909 թվականին: Առաջին խանութը նա բացել Է 1910 թվականին Փարիզում: Շանելը կանանց նորաձեւության մեջ ներմուծել Է իրանն ընդգրկող ժակետ, փոքրիկ սեւ զգեստ, ուսի վրա կրելու կանանց պայուսակ: Սկզբում նորաձեւության տունն արտադրում Էր միայն հագուստ եւ աքսեսուարներ, այնուհետեւ սկսել Է թողարկել պարֆյումերիա, զարդեր եւ ժամացույցներ

1921 թվականին Շանելը պարֆյումեր Էռնեստ Բոյի հետ միային թողարկել Է մակնիշի առաջին բույրը՝ Chanel 5-ը: 

1924 թվականին ձեռնարկատեր Պիեռ Վերտեյմերի հետ համատեղ դիզայները հիմնել Է ընկերության պարֆյումերային ստորաբաժանումը՝ Parfums Chanel-ը, որը ներկայում զբաղվում Է նաեւ կոսմետիկայի արտադրությամբ: