ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Ֆուտբոլի Եվրոպայի լիգայի 1/16 եզրափակչի շրջանակներում «Մանչեսթեր Յունայթեդ»-ը 3:0 հաշվով հաղթել է ֆրանսիական «Սենթ Էթիեն»-ին:

«Արմենպրես»-ի հաղորդմամբ` Մանչեսթերը ներկայացնող ակումբի կազմում հեթ-տրիկի հեղինակ է դարձել շվեդ հարձակվող Զլատան Իբրահիմովիչը, ով աչքի է ընկել հանդիպման 15-րդ, 75-րդ, 88-րդ րոպեներին:

Հայաստանի ազգային թիմի անդամ Հենրիխ Մխիթարյան հայտավորված չէր այս խաղում: