«Ոսկե գլոբուս» -ի բացարձակ մրցանակակիրը հայտնվել է Երևանի մեծ էկրաններին
11:51, 13 Հունվար, 2017ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: «Լա-լա լենդ» երաժշտական տրագիկոմեդիան հունվարի 12-ից երևանյան մեծ էկրաններին է: «Արմենպրես»-ի փոխանցմամբ` ֆիլմը ցուցադրվում է «Մոսկվա», «Կինոպարկ», «Սինեմա Սթար», «Կինո Հայաստան» կինոթատրոններում:
«Լա-լա լենդ» մյուզիքլը «Ոսկե գլոբուս» 2017 հեղինակավոր մրցանակաբաշխության արժանացել է մրցանակի յոթ անվանակարգում` «Լավագույն կատակերգական ֆիլմ կամ մյուզիքլ», «Լավագույն ռեժիսոր», «Լավագույն սցենարիստ», «Լավագույն երաժշտություն», «Լավագույն երգ», «Կոմեդիայի կամ մյուզիքլի լավագույն դերասան», «Կոմեդիայի կամ մյուզիքլի լավագույն դերասանուհի»:
«Լա-լա լենդ» տրագիկոմեդիան ջազային դաշնակահարի և երիտասարդ դերասանուհու սիրո պատմություն է: Ֆիլմի ռեժիսորը ամերիկացի Դեմին Շազելն է: