Էրդողանը հրաժարվել է քեմալական կուսակցության առաջնորդի դեմ դատարան ներկայացրած բողոքից
16:04, 28 Հոկտեմբեր, 2016ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հետ է վերցրել ընդդիմադիր քեմալական Հանրապետական ժողովրդական կուսակցության առաջնորդ Քեմալ Քըլըչդարօղլուի դեմ դատարան ներկայացված բողոքը: Ինչպես հաղորդում է «Արմենպրես»-ը, այս մասին տեղեկացնում է թուրքական HaberTurk-ը:
Էրդողանի փաստաբանի կողմից դատարան ուղարկված գրության մեջ նշվել է, որ նախագահը հրաժարվում է բողոքից «երկրի միությունն ու միասնությունը պահպանելու, քաղաքական կյանքում նվազագույն քաղաքավարությունը որպես մնայուն արժեք հաստատելու հույսով»:
Ավելի վաղ Էրդողանը բողոքել է Քըլըչդարօղլուի դեմ այն բանի համար, որ վերջինս 2014 թվականի մարտին իր ելույթներից մեկում վիրավորել էր իրեն: Այն ժամանակվա վարչապետ Էրդողանի դեմ հնչեցված հայտարարությունների համար հարուցվել էր քրեական գործ «հանրային անձին իր պաշտոնի պատճառով հրապարակայնորեն վիրավորելու» մեղադրանքով:
© 2009 ARMENPRESS.am