ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Ավստրալիայի համերկրային խորհրդարանի ապարատի երեք աշխատակցուհիներ հոկտեմբերի 25-ին վնասվածքներ են ստացել Բրիսբենի այն շենքի 36-րդ հարկում առաստաղի փլվելու հետեւանքով, որտեղ այդ պահին ընթանում Էր երկրի վարչապետ Մալկոլմ Թեռնբուլի խորհրդակցությունն իր նախարարների հետ: Այդ մասին, ինչպես տեղեկացնում Է «Արմենպրես»-ը, հայտնել Է Brisbane Times թերթը: Բժիշկները տեղում օգնություն են ցույց տվել տուժածներից մեկին, իսկ մյուս երկուսին հասցրել են հիվանդանոց: 

Քվինսլենդի նահանգի ոստիկանության ներկայացուցիչ Դենիել Բրեգը հայտնել Է, որ առաստաղը փլվել Է նախասրահում, եւ «փլուզումն աննշան Է եղել»: Բրեգը հաստատել Է, որ երկրի վարչապետն իրոք գտնվում Էր հարեւան դահլիճում, բայց ոչ նա, ոչ Էլ խորհրդակցության այլ մասնակիցներ չեն տուժել, հաղորդել Է ՏԱՍՍ-ը: