ԵՐԵՎԱՆ, 1 ՀՈԿՏԵՄԲեՐԻ, ԱՐՄԵՆՊՐԵՍ: Երևանի կենդանաբանական այգու աշխատանքային ժամերը հոկտեմբերի 1-ից փոխվում են: Այգին անցնում է աշնանային ժամանակացույցի: Ինչպես հաղորդում է «Արմենպրես»-ը` վկայակոչելով Երեւանի կենդանաբանական այգու պաշտոնական կայքը, այսուհետ տոմսերը վաճառվելու են ժամը 9:00-ից մինչև 19:00, իսկ այգու տարածքում այցելուները շրջելու հնարավորություն կունենան մինչև ժամը 20:00-ը: