Չեմպիոնները վերադարձան. հայ օլիմպիականները ժամանեցին Ռիո դե Ժանեյրոյից
10:30, 27 Օգոստոս, 2016ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: 31-րդ ամառային օլիմպիական խաղերում Հայաստանի համար սպորտային նոր պատմություն կերտած հայ օլիմպիականները վերադարձան հայրենիք: «Արմենպրես»-ը հայտնում է, որ Դոհա-Երևան չվերթը վայրեջք կատարեց «Զվարթնոց» օդանավակայանում մոտավորապես 00:50-ին: Արթուր Ալեքսանյանին, Միհան Հարությունյանին, Սիմոն Մարտիորսյանին, Գոռ Մինասյանին հայ մարզասերները դիմավորեցին իսկական հերոսներին վայել:
«Արթուր, Միհրան, Սիմոն, Գոռ չեմպիոն» վանկարկումներն անդադար հնչում էին բոլոր կողմերից:
Հայկական սպորտի առաջամարտիկներին Հայաստանի տարբեր մարզերից, հարազատ բնակավայրերից դիմավորելու էին եկել հարյուրավոր երկրպագուներ:
Հայ օլիմպիականների դիմավորելու էին եկել նար ՀՀ վարչապետ Հովիկ Աբրահամյանը, կառավարության անդամներ: Վարչապետը առաջինը շնորհավորեց հայրենիք ժամանած մարզիկներին:
Արթուր Ալեքսանյանը իր ոսկե մեդալը դրվագներից մեկում հանձնեց Միհրան Հարությունյանին, ով օլիմպիակնների սովորությանը համաձայն կծեց պատվավոր մեդալը: Արթուրն այդ կերպ ցույց տվեց, որ Միհրանն էլ իրական չեմպիոն է, իսկ երկրպագուներն էլ Միհրանին դիմավորեցին որպես իրական չեմպիոնի: Մարզիկները ուղղվեցին մեքենանարով հանրապետության հրապարակ, որտեղից կմեկնեն հարազատ բնակավայրեր և այնտեղ կշարունակեն տոնակատարությունը: Դոհա-Երևան չվերթով Հայաստան ժամանեցին նաև հայ բռնցքամարտիկները, ազատ ոճի ըմբիշները և Ռիո մեկնած հայկական պատվիրակության մյուս անդամները:
[gallery id= 57484]
© 2009 ARMENPRESS.am