ՀՀ նախագահ Ռոբերտ Քոչարյանն ուղերձ է հղել Ոստիկանության օրվա
առթիվ
00:00, 16 Ապրիլ, 2007
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: ՀՀ նախագահ Ռոբերտ Քոչարյանն ուղերձ է հղել
Ոստիկանության օրվա առթիվ: Ինչպես «Արմենպրեսե-ին տեղեկացրին նախագահի մամուլի
գրասենյակից, ուղերձում ասված է.
«Ոստիկանության հարգելի ծառայողներ եւ վետերաններ,
սրտանց շնորհավորում եմ ձեր տոնի` Ոստիկանության օրվա առթիվ: Մաղթում եմ
անվտանգ եւ արդյունավետ ծառայություն:
Ժողովրդավարական հասարակության մեջ ոստիկանի կերպարը պետք է վստահություն եւ
պաշտպանվածության զգացում ներշնչի: Հասարակության մեջ ձեր ունեցած վարկանիշը
ուղղակիորեն կախված է երկրում հանցավորության ծավալներից եւ դրանց բացահայտման
աստիճանից: Ոստիկանության համակարգի բարեփոխումները կոչված են բարձրացնելու
ձեր աշխատանքի արդյունավետությունը, արդիականացնելու այն, ինչպես նաեւ
վերացնելու բացասական դրսեւորումները:
Պետության կողմից ձեզ հանձնարարված գործառույթներից շատերն իրագործելիս դուք
անմիջականորեն առնչվում եք քաղաքացիների հետ: Դուք եք այն պաշտոնյան, որ
անձնագրի հանձնումից մինչեւ անվտանգ երթեւեկության ապահովումը ներկայացնում է
Հայաստանի Հանրապետությունը:
Մաղթում եմ ձեզ, որ միշտ բարձր պատասխանատվությամբ, արժանապատվորեն եւ
հաջողությամբ կատարեք ձեր մասնագիտական դժվարին գործըե: