ԵՐԵՎԱՆ,  24 ՀՈՒՆՎԱՐԻ, ԱՐՄԵՆՊՐԵՍ: Սուրբ Սարգսի`սիրո եւ երիտասարդության տոնի առթիվ  «Ժամանակը սեր է» խորագրով ցուցահանդեսը հունվարի 25-ին կբացվի «Գալա Արտ» ցուցասրահում:«Արմենպրես»- հետ զրույցում ցուցասրահի տնօրեն Ավետիս Բերբերյանը նշեց, որ ցուցահանդեսը բաց կլինի ացելուների համար մինչ փետրվարի 25-ը:

«Ցուցահանդեսում ներկայացված կլինեն շուրջ 30 ժամանակակից անվանի հայ գեղանկարիչների եւ քանդակագործների մոտ 200 աշխատանքներ»,- ասաց Բերբերյանը:

Նրա խոսքով` «Ժամանակը սեր է» ցուցահանդեսին ներկայացված կլինեն ինչպես մեծանուն նկարիչների` Մարտիրոս Սարյանի, Մինաս Ավետիսյանի, Հակոբ Հակոբյանի, այնպես էլ ժամանակակիցների աշխատանքները:

 Ներկայացված բոլոր աշխատանքները ցուցահանդեսի խորագրին համապատասխան կմիավորի սիրո թեմատիկան: