Նոյեմբերի 16-ը Փիլիսոփայության
00:00, 14 Նոյեմբեր, 2006
համաշխարհային օրն Է
ՄԱԿ, 14 ՆՈՅԵՄԲԵՐԻ, ԱՐՄԵՆՊՐԵՍ: Նոյեմբերի 16-ը Փիլիսոփայության
համաշխարհային օրն Է: Այս իրադարձությանն Է նվիրված ՅՈՒՆԵՍԿՕ-ի
նախաձեռնությամբ կազմակերպված միջազգային հանդիպումը, որը նոյեմբերի 15 – 18-ը
տեղի կունենա Մարոկոյի մայրաքաղաքում: Ինչպես հաղորդել Է ՄԱԿ-ի Նորությունների
կենտրոնը, այս միջազգային հանդիպմանը մասնակցելու համար կժամանեն հարյուրավոր
ժամանակակից փիլիսոփաներ աշխարհի տարբեր երկրներից:
Այս առթիվ հղած ուղերձում ՅՈՒՆԵՍԿՕ-ի գլխավոր տնօրեն Կոյիտիրո Մացուուրան
ընդգծել Է, որ Փիլիսոփայության համաշխարհային օրը կոչված Է վերականգնելու
հանրակցությունների եւ ազգերի միջեւ մոռացության մատնված կամ խախտված
փիլիսոփայական եւ մտավոր կապերը: Նա հավելել Է, որ մյուս հասարակական եւ
սոցիալական գիտությունների հետ մեկտեղ փիլիսոփայությունը կոչված Է հանգուցային
դեր խաղալու արդի աշխարհի ողջ բարդությունն ըմբռնելու հարցում: