Արարատի քաղաքային զբոսայգում տեղի ունեցավ սպարապետ Վ. Սարգսյանի
հուշարձանի բացման արարողությունը եւ ՀՀ անկախության 18-րդ տարեդարձի
տոնակատարությունը
00:00, 21 Սեպտեմբեր, 2009
ԱՐՏԱՇԱՏ, 21 ՍԵՊՏԵՄԲԵՐԻ, ԱՐՄԵՆՊՐԵՍ. (սեփ. թղթ. Լիլիթ Մաճկալյան):
Արարատի քաղաքային զբոսայգում այսօր տեղի ունեցավ սպարապետ Վազգեն Սարգսյանի
հուշարձանի բացման արարողությունը եւ ՀՀ անկախության 18-րդ տարեդարձի
տոնակատարությունը:Հուշարձանի հանդիսավոր բացման պատիվը տրված էր Արարատի
մարզպետ Վարդգես Հովակիմյանին, Արարատի քաղաքապետ Աբրահամ Բաբայանին եւ Վազգեն
Սարգսյանի ծնողներին` տեր եւ տիկին Սարգսյաններին: Բացման արարողությանը
հաջորդեցին յոթ համազարկերը, ինչից հետո տեղի ունեցավ հուշարձանի օծման
արարողությունը:Այն կատարեց Արարատյան հայրապետական թեմի առաջնորդական
փոխանորդի օգնական Մխիթար աբեղա Գրիգորյանը:
Արարատի մարզպետ Վարդգես Հովակիմյանը շնորհավորեց հավաքվածներին տոնի
կապակցությամբ եւ նշեց , որ 18 տարի առաջ հայն իր համառության եւ
համաժողովրդական համախմբվածության հետեւանքով բացեց իր պատմության նոր
էջը:«Դժվարին վերակազմավորման ճանապարհ ենք անցել, մաքառել եւ կրթել ենք
անկախության սերունդ: Այսօր հպարտությամբ կարող եմ ասե , որ ունեցել ենք մի
այնպիսի ժառանգ, ում արած գործը դաստիարակել է մի ամբողջ սերունդ: Այսօր
հիշում, մեծարում ու մեր հարգանքի տուրքն ենք մատուցում: Հպարտ ենք, որ Վազգեն
Սարգսյանը մեր հայրենակիցն է, նորօրյա պայքարի զինվորը, նրա մեջ է ազգի
հավաքական պայքարի ոգինե- ավելացրեց նա:
Արարատի քաղաքապետ Աբրահամ Բաբայանը եւս շնորհավորելով անկախության 18-րդ
տարեդարձի եւ հուշարձանի բացման կապակցությամբ նշեց, որ 10 տարի անց կրկին
վերադարձավ իր քաղաքը, որտեղ անցել է նրա եւ մանկության, եւ պատանեկության
տարիները եւ պետք է ի վերջո նրան հավերժացնող արձանը կանգնեցվեր:
Տիկին Գրետա Սարգսյանի խոսքով` Վազգեն Սարգսյանի քաղաքական
գործունեությունը սկսվել է հենց Արարատից:«Առաջին ýիդայական ջոկատները
կազմավորվեցին հենց այս հրապարակում, առաջին ջոկատները Երասխ մեկնեցին հենց
այստեղից:Ուրախ եմ , որ նա այստեղ է : Նա հավերժ է, հայացքը Ձեզ հառած`իր
պահանջկոտությամբ ու խստությամբ:Գալուստդ բարի տղաս…ե-ավելացրեց նա:
Շնորհավորական եւ մեծարման ելույթին հաջորդեց զինվորական շքերթը` Վազգեն
Սարգսյանի անվան զորամասի զինվորների մասնակցությամբ:
Նշենք, որ միջոցառմանն իրենց ներկայությամբ պատվել էին Ազգային ժողովի
նախագահ Հովիկ Աբրահամյանը, փոխվարչապետ, տարածքային կառավարման նախարար Արմեն
Գեւորգյանը, Ազգային անվտանգության խորհրդի քարտուղար Արթուր Բաղդասարյանը,
պաշտոնատար այլ անձինք, սպարապետի զինակիցներ, ընկերներ:
Հանդիսությունը եզրափակվեց տոնական համերգով:
Անելացնենք, որ 3մ 60սմ բարձրությամբ բրոնզաձույլ հուշարձանի
քանդակագործն է Արա Ալեքյանը եւ ճարտարապետը` Պարգեւ Սեդրակյանը:Ի դեպ, այսօր
Արարատի քաղաքային զբոսայգին անվանվեց Վազգեն Սարգսյանի անվամբ: