«Զանգակ-97ե հրատարակչությունը դարձել է Եվրոպայի կրթական
հրատարակիչների խմբի անդամ
00:00, 21 Մայիս, 2009
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ:Հայաստանյան «Զանգակ-97ե հրատարակչությունը
դարձել է Եվրոպայի կրթական հրատարակիչների խմբի անդամ (ԵԿՀԽ): Ինչպես
«Արմենպրեսե-ին տեղեկացրին հրատարակչության հասարակայնության հետ կապերի
բաժնից, ԵԿՀԽ-ն դպրոցական դասագրքերի եւ ուսումնաօժանդակ գրականության
բնագավառում գործունեություն ծավալող հրատարակիչների եվրոպական ցանց է, որին
կարող է անդամակցել յուրաքանչյուր երկրից միայն մեկ` տվյալ երկրի
դասագրքաստեղծման բնագավառում առաջատար համարվող հրատարակչությունը:
Խմբի գործունեության նպատակն է ստեղծել ուսումնական գրականության
համաեվրոպական միասնական բազա, համատեղել տարբեր հրատարակչությունների ջանքերն
ուսումնական գրականության որակի բարձրացման աշխատանքներում` ձեւավորելով
համագործակցություն հրատարակչությունների միջեւ:
ԱՊՀ երկրներից միայն Ռուսաստանի «Պրոսվեշչենիեե հրատարակչություն է
անդամակցում ԵԿՀԽ-ին: Տարածաշրջանում ԵԿՀԽ անդամ հրատարակչություն կա միայն
Թուքիայում:
Անդամակցելով խմբին՝ «Զանգակ-97ե-ը պարտավորվում է դասագրքերի
հրատարակման բնագավառում ղեկավարվել նաեւ ԵԿՀԽ կողմից որդեգրված
սկզբունքներով` հիմնվելով դասագրքաստեղծման եվրոպական ավանդույթների ու
առաջադեմ եվրոպական փորձի վրա: