Արմավիրի մարզի Այգեշատ համայնքում վերաբացվեց Սուրբ Գեւորգ եկեղեցին
00:00, 8 Հոկտեմբեր, 2007
ԱՐՄԱՎԻՐ, 8 ՀՈԿՏԵՄԲԵՐԻ, ԱՐՄԵՆՊՐԵՍ (սեփ. թղթ. Նարինե Գրիգորյան):
Արմավիրի մարզի Այգեշատ համայնքում մեծ հանդիսավորությամբ վերաբացվեց Սուրբ
Գեւորգ եկեղեցին: Անմխիթար վիճակում գտնվող եկեղեցին, որը կառուցվել է դեռեւս
1854 թվականին, վերանորգվել է ձեռներեց Ռուբեն Գրիգորյանի
հովանավորությամբ: Եկեղեցին վերաօծեց Արմավիրի թեմի առաջնորդ Սիոն եպիսկոպոս
Ադամյանը: Հայրենի գյուղում եկեղեցու վերաբացմանը ներկա էր նաեւ Արմավիրի
մարզպետ Աշոտ Ղահրամանյանը, որը ներկաներին շնորհավորեց տոնի առթիվ, միացավ
հավատացյալ ժողովրդի աղոթքին: