Ս. Սարգսյանը Հրազդանի ՋԷԿ-ի հինգերորդ բլոկի վաճառքը
նպատակահարմար է համարում
00:00, 11 Ապրիլ, 2006
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ (թղթ. Լեւոն Հովսեփյան): Հրազդանի ՋԷԿ-ի
հինգերորդ բլոկի վաճառքը ռուսական «Գազպրոմե ընկերությանը նպատակահարմար
գործարք է: Այս մասին այսօր լրագրողների հետ զրույցում նշեց ՀՀ պաշտպանության
նախարար Սերժ Սարգսյանը: Ըստ նրա` հինգերորդ բլոկի գործարկման համար պետք էր
ծախսել առնվազն 180 միլիոն դոլար, ինչը կփոխատուցվեր միայն տասը տարվա
ընթացքում: «Հինգերորդ բլոկը նման է մի տան, որի նկուղն է միայն կառուցված եւ
այլեւս ոչինչ չկաե,-ասաց նախարարը` կարծիք հայտնելով, որ հետագայում ավելի
համոզիչ փաստարկներ կներկայացվեն բլոկի արժեքի եւ այդ գործարքի վերաբերյալ:
«Որոշ մարդիկ, իրենց գիտունների տեղ դնելով, նշում են, թե հինգերորդ բլոկը
վերագործարկելու համար անհրաժեշտ էր ընդամենը 150 միլիոն դոլարե,-նշեց Ս.
Սարգսյանը` ավելացնելով, որ նման դիրքորոշումն իրականությանը չի
համապատասխանում, որովհետեւ «նախ հինգերորդ բլոկը չի աշխատել, որ
վերագործարկվիե, եւ բացի դրանից, ներդրվող գումարի հայթայթման խնդիր կա:
Նախարարի խոսքերով` բլոկի գործարկման համար Հայաստանի կողմից ներդրումներ
կատարելու պարագայում շահույթի մասին կարելի կլիներ խոսել միայն 2017 թ-ին:
«Այսինքն` միայն 2017 թ-ին կունենայինք օգուտով աշխատող ձեռնարկություն, իսկ
մինչ այդ գազն ինչքան կթանկանար եւ օգուտն ինչքան կլիներ, ասելն անհնար էե,-
ասաց նախարարը: Ըստ նրա` վաճառքն արդարացված է նրանով, որ գազի գնի թանկացում
չի լինի եւ կապահովվի ներդրում բլոկի գործարկման համար: Տնտեսական
գործարքներին քաղաքականություն խառնելով` չի ստացվում ոչ քաղաքականություն, եւ
ոչ էլ տնտեսություն: «Մենք պետք է նայենք, թե մեր տնտեսության համար ինչպիսի
շահավետ առաջարկություն է արվում: Կա շահավետ առաջարկություն, ուրեմն` պետք է
ընդունելե,-ասաց նախարարը` ավելացնելով, որ կարեւոր չէ` այդ առաջարկություն
անողը Ռուսաստանն է, թե այլ երկիր: