Ստեփանակերտում բացվել է ՀՀ նկարիչների միության Սյունիքի
մասնաճյուղի ղեկավար, գեղանկարիչ Ժ. Մարտիրոսյանի անհատական ցուցահանդեսը
00:00, 6 Հուլիս, 2006
ՍՏԵՓԱՆԱԿԵՐՏ, 6 ՀՈՒԼԻՍԻ, ԱՐՄԵՆՊՐԵՍ (սեփ. թղթ. Արմինե Պետրոսյան):
Ստեփանակերտի քաղաքապետարանի պատկերասրահում այսօր բացվեց ՀՀ նկարիչների
միության Սյունիքի մասնաճյուղի ղեկավար, գեղանկարիչ Ժիրայր Մարտիրոսյանի
անհատական ցուցահանդեսը: Ինչպես բացման խոսքում նշեց ԼՂՀ նկարիչների միության
նախագահ Լենորդ Զաքարյանը, արդեն մի քանի տարի է, ինչ երկու միությունների
միջեւ ձեռք է բերվել փոխգործակցության պայմանավորվածություն, որի
շրջանակներում էլ կատարվում են նմանատիպ փոխայցելություններ: «Մյուս տարի,
նախնական պայամանավորվածության համաձայն, նախատեսվում է ԼՂՀ նկարիչների
աշխատանքների ցուցահանդես բացել Գորիսումե, - «Արմենպրեսե-ի թղթակցին ասաց Լ.
Զաքարյանը:
«Ինձ շատ են հուզում Արցախի պատմաճարտարապետական տեսքն ու նրա գեղատեսիլ
վայրերը եւ այդ ամենի մեջ` ստեղծագործելու առումով ես նոր թեմաներ եմ գտնում,
ուստի օգտագործում եմ յուրաքանչյուր պատեհ առիթ` այստեղ գալու եւ արցախցի
արվեստասեր իմ ընկերներին աշխատանքներս ներկայացնելու համարե, -ասաց Ժ.
Մարտիրոսյանը: